Mobilizacións dos días 6 e 7

Esta semana están deservolvéndonse unha serie de accións de protesta contra o proxecto de Lei Wert; convocadas todas elas polos diferentes sindicatos de estudantes.

Concretamente haberá unha manifestación o mércores 6, hoxe mesmo, pola mañá na que os sindicatos teñen convocado ao estudantado de secundaria, bacharelato e universidades.

TAMEN, ó contrario que outras veces nas que non se realizaban nesta cidade, o xoves día 7 ás 19 horas, na Alameda, estamos chamados todos a unha concentración.
É importante estar de acordo cos xoves, e contra a Lei Wert, porque é o futuro dos nosos fillos e da nosa sociedade.

Todos podemos perder un par de horas da nosa vida, sen excusas, cando o obxectivo o merece.

Vémonos o día sete.

Advertisements
Mobilización contra a LOMCE

Concentracións do día 31 contra a Lei Wert

Mobilización contra a LOMCE

Lembrámosvos que o proximo xoves 31 de xaneiro, ás sete e media, na praza do Toural, concentrarémonos, por chamado da Plataforma Galega en Defensa do Ensino Público, para rexeitar de novo publicamente o proxecto da nova lei de educación, a chamada Lei Wert.

Semella que son moitas concentracións, e que non serven para nada, pero non é verdade; o que non serve para nada é quedar na casa e que outros decidan.

Manifestámonos polo futuro dos nosos fillos, non hai mellor motivo.

Mobilización en defensa do galego

Pola lingua que nos une

Pola lingua que nos une

O próximo domingo, día 27, ás 12 da mañá sairá da Alameda compostelá unha manifestación convocada pola plataforma cidadá “queremos galego”, da que esta anpa é membro desde os seus inicios.

Sempre é un motivo suficiente mobilizármonos en defensa da nosa lingua; neste caso engadimos unha razón máis: queremos defender a educación en galego dos nosos fillos, unha educación que se ve moi ameazada con proxecto de lei que está en trámite actualmente, que relega á nosa lingua a un papel menor dentro do curriculo educativo.

O domingo temos a oportunidade de dicir, dun xeito claro e compartido, que queremos que a nosa lingua siga presente na educación, mesmo que medre a súa presenza; non deixedes de asistir.

Máis información en http://www.queremosgalego.org/2012/12/16/80/

MOBILIZACIÓNS 13 DE DECEMBRO

O próximo día 13, xoves, ás sete da tarde, diante do IES Rosalía de Castro, na Alameda, está convocada unha CONCENTRACIÓN EN DEFENSA DO ENSINO PÚBLICO E PARA A RETIRADA DA LEI WERT. Á mesma hora realizaranse concentracións en todo o Estado coa mesma intención.

Actualmente, tanto o goberno do Estado, pero tamén o da Xunta, están practicando unha política de recortes, e unha serie de iniciativas lexislativas que están xa producindo un considerable deterioro na educación dos nosos fillos e fillas; pensamos que é a nosa responsabilidade como pais e nais apoiar os movementos de reacción a estas políticas, e tentar preservar o dereito á educación de todos os que veñen detrás.

Fronte ós que dirán que non se pode facer nada, pensade que os gobernos só se moven pola presión do electorado, que somos nós: Acudide este xoves, está en xogo a educación dos nosos fillos.