LISTADO DEFINITIVO DE EXTRAESCOLARES PARA O CURSO 2018/2019

XA COÑECEMOS O LISTADO DEFINITIVO DE ACTIVIDADES EXTRAESCOLARES. Na imaxe podedes ver as actividades e os lugares nos que se imparte:

Grazas polas vosas solicitudes de matrículas e formularios para formar parte desta Asociación. Grazas por remitilas antes do 21 de setembro, e grazas pola paciencia para coñecer a formación de grupos.
Despois de estudar detidamente as matrículas recibidas para as actividades extraescolares,  as que acadan o mínimo suficiente para poder levalas a cabo desde a semana que vén son:
  • PATINAXE
  • HOCKEY PATINS
  • JUDO 1
  • JUDO 2
  • DEPORTES DE RAQUETA
  • DANZA GALEGA
  • PANDEIRETA
  • IOGA INFANTIL
  • CAPOEIRA
  • INGLES INFANTIL
  • INGLES PRIMARIA
Todas estas as actividades comezarán a semana do 1 ao 5 de outubro. Podedes atopar toda a información na nosa páxina de EXTRAESCOLARES.

Aberto prazo de matrícula para extraescolares: ata 21 de setembro

Queremos informarvos de que un ano máis poñemos en marcha as Actividades Extraescolares e Ludoteca para o curso 2018-2019.

Podedes cumprimentar esta FOLLA DE INSCRICIÓN e entregar:

  •  por correo electrónico: anpafontela.extraescolares@gmail.com
  • nun sobre a nome da ANPA na conserxería do centro
  • nun sobre na caixa de correo instalada ao lado da porta do local da ANPA

A SOLICITUDE DE INSCRICIÓN NAS ACTIVIDADES EXTRAESCOLARES PODE PRESENTARSE ATA O 21 DE SETEMBRO. (PREGAMOS RAPIDEZ NA PRESENTACIÓN PARA PODER CONFIGURAR CANTO ANTES OS GRUPOS).

Inicio de curso: ludoteca e extraescolares

O pasado mes de xullo contámosvos a relación de actividades extraescolares e de ludoteca previstas para ofertar o vindeiro curso 2018/2019. Premendo aquí tedes máis información sobre o servizo (coste/horas/temática).

As actividades extraescolares comenzarán o día 1 de outubro de 2018 pero a ludoteca comenzaría en setembro se as familias o demandasen, en caso contrario, a ludoteca empezaría o mesmo día que as actividades extraescolares.
Polo que, solicitamos que todas aquelas familias que desexen dispoñer de ludoteca desde o primeiro día de colexio (día 12 de setembro), envíen un email a anpafontela@gmail.com indicando o número de crianzas que utilizarían o servizo e a previsión de días/nº horas.
Con esta información poderemos valorar se hai a demanda suficiente para ofrecer este servizo durante o mes de setembro.
Lembrade que a ludoteca é un servizo que se ofrecería todos os días de luns a venres en horario de 16:30 a 18:30h.

 

EXTRAESCOLARES para o CURSO 2018/2019

Ola familias!

Como vai o verán? Nós seguimos en acción 😉

Aquí tedes a relación das actividades extraescolares e de ludoteca previstas para ofertar para o vindeiro curso 2018/2019.

Os grupos finais das actividades extraescolares confirmaranse segundo a demanda de inscricións recibida en setembro. As actividades comezará o día 1 de outubro de 2018.

Agardamos que esta información poida servos útil para facer previsións conciliadoras.

folla de matrícula e inscrición enviarémola cando vaiamos achegándonos ao inicio do curso 2018-2019. Lembrade que comezan as aulas o 12 de setembro de 2018, e dependendo da demanda, previsiblemente a ludotecatamén inicia seu servizo o 12 de setembro.

Aproveitamos para informarvos que desde hai dous cursos xurdiu unha marabillosa actividade: o grupo MARIOLA TEATRO. Está composto por persoas adultas e miúdas, membros dos diferentes colectivos da comunidade educativa do CEIP das Fontiñas, que ensaia durante o curso co obxectivo de pasalo ben e de presentar na fin de curso unha pequena obra teatral, como veriades na Festa do verán en xuño de 2018.

Así mesmo, queríamos confirmarvos que, un ano máis, a ANPA Fontela cede a dispoñibilidade do pavillón áAgrupación Deportiva de Baloncesto Fontiñas (ADB Fontiñas), actividade que leva 13 anos practicándose no CEIP das Fontiñas, e que se imparte: martes, mércores e venres de 16.00h a 17.30h, aberto a toda a rapazada de Santiago.

Ah! E se coñecedes a novas familias que se vaian a integrar este curso no CEIP das Fontiñas, faládelle da ANPA FONTELA e das diferentes formas de contactarnos!