Este xoves: “O xogo filial”

 

No marco das actividades propostas pola ANPA para este ano, e subvencionadas pola Deputación da Coruña, aberta a toda a comunidade educativa, o xoves, 20 de decembro, ás 16.30h, na Biblioteca do CEIP das Fontiñas, haberá unha merenda-conversa na que Fátima Bermejo, mamá deste CEIP, conduciranos a unha reflexión activa sobre a comunicación afectiva entre persoas adultas e crianzas, e sobre o significativo papel do xogo para a creación de vínculos seguros.

Mentres participamos na merenda-conversa e compartimos un café, as nenas e os nenos poderán participar ou dispor, sen custo, do servizo de Ludoteca. Soamente tedes que reservar praza, indicando nome, apelidos da crianza, curso e persoa de contacto en anpafontela@gmail.com  antes do mércores 19 de decembro.

Advertisements

Preparando o verán: Programa Municipal Conciliación

Abriuse o prazo de inscrición dunha nova edición do Programa Municipal de Conciliación de Verán, que se desenvolverá no período de vacacións escolares no CEIP Raíña Fabiola e no CEIP As Fontiñas.

A inscrición estará aberta ata o xoves 31 de maio. 
O Programa Municipal de Conciliación Escolas de verán está dirixido a nenos e nenas que cursen estudos en centros de educación infantil e primaria, entre o 2º Ciclo de Educación Infantil e o 3º Ciclo de Educación Primaria de Santiago (ambos os dous inclusive). As actividades realizaranse os días 22, 25, 26, 27, 28 e 29 de xuño; todo o mes de xullo (agás sábados, domingos e festivos) e os días 3, 4, 5, 6 e 7 de setembro. No caso de xullo, os pais e nais poden optar por algunha das catro quendas do mes. Tamén é posible escoller días soltos.
O horario máximo será de 7:45 a 16:00 horas. Haberá un servizo de madrugadores (aula matinal) con almorzo de 7:45 a 9:00 horas, mentres que os obradoiros e actividades desenvolveranse de 9:00 a 14:00 horas. A continuación, existe a opción de facer uso do servizo de comedor de 14:00 a 16:00 horas.
Máis información e a FICHA DE INSCRICIÓN podedes atopala en:

Obradoiro de Radio: aínda quedan prazas!


Mañá, a partir das 16:30h na biblioteca do CEIP das Fontiñas
, a ANPA Fontela organiza un obradoiro de Radio aberto á toda a comunidade educativa, adulta e miúda.

Aíndan queda algunha plaza para o obradoiro de Radio de mañá, animádevos a participar!!!

Podedes inscribirvos previamente a través do seguinte formulario:
Para calquera dúbida ou anulación de inscrición podedes poñervos en contacto no email anpafontela@gmail.com