Solicitude de reserva e prazas en COMEDOR e MADRUGADORES

A Xunta de Goberno do Concello aprobou onte os prazos de solicitude de reserva de praza e matrícula nos servizos de comedor e madrugadores na rede de centros públicos de educación infantil e primaria do Concello de Santiago de Compostela para o curso 2019-2020.

O trámite poderase realizar do 25 de xuño ao 22 de xullo de 2019, ambos os dous incluídos.

Os centros que contan con estes servizos son o Apóstolo Santiago, Cardeal Quiroga Palacios, As Fontiñas, Roxos, Vite, Mestre Rodríguez Xixirei, Monte dos Postes, Raíña Fabiola, Ramón Cabanillas e no caso do CEIP Arquitecto Casas Novoa, só no servizo de madrugadores. O modelo oficial de solicitude pode recollerse en calquera destes colexios, no departamento de Educación (rúa Alcalde Raimundo López Pol, s/n), ou descargarse directamente desta páxina web.
O impreso de solicitude cuberto ten que entregarse no Rexistro Xeral do Concello (rúa do Presidente Salvador Allende, 4) en Galeras, ou no Rexistro Auxiliar (Centro Sociocultural do Ensanche, 14-16).

Unha vez completado o proceso administrativo coa adxudicación do contrato, procederase á publicación da listaxe de admitidos e excluídos, e acordaranse os prezos a pagar por cada usuario.
Neste momento, segundo sinalou o alcalde, Xosé Sánchez Bugallo, a concellaría de Educación está traballando “a toda velocidade” para convocar o concurso, xa que “non existe prego de condicións”. O rexedor explicou que posiblemente o servizo “se prorrogue por un trimestre á actual empresa”, mentres se “estuda como se pode mellorar o modelo”.

PINCHA AQUÍ PARA OBTER MÁIS INFORMACIÓN.

Por último, e relacionado co tema de comedores queremos informar da última nova publicada en prensa: El curso escolar empezará en Santiago con otra prórroga del servicio de comedores“. 

Advertisements

Axúdanos! Enquisa de actividades extraescolares

Recén rematado o curso, estamos traballando xa na programación das actividades extraescolares da xeira que vén. Para que vos poidades ir facendo unha idea, informámosvos de que, na medida do posible, tentaremos manter os horarios das actividades que se fixeron neste curso aínda que non poderemos garantilo ata o inicio do curso. Por outra banda, de cara a tentar adaptarnos o máis posible ás necesidades e preferencias das crianzas, queremos consultarvos sobre as actividades que máis lles poderían interesar. A tal fin, temos elaborado unha pequena enquisa que podedes responder en menos de 5 minutos:
 
Agradeceríamos que se respondera canto antes e, en todo caso, ao longo do mes de xullo para ter marxe de busca de monitorado e programación.
Se tedes calquera cuestión non dubidedes en poñervos en contacto con nós.

Este venres 14 de xuño: Festa Fin de Curso

 

Finaliza o curso e coma sempre, a ANPA Fontela organiza unha Festa do Verán para toda a comunidade educativa. Será este venres 14 xuño.

Como o ano pasado, a ANPA aportará un pequeno xesto ecolóxico nesta festa, propoñéndovos empregar os ecovasos  reutilizables que teremos disponibles. (Prezo: 1 euro, reembolsable se devolvedes o ecovaso).


Pero se tedes o vaso do ano pasado, traédeo!

Animádevos!! Vinde participar desta tarde de convivio!!!

E vinde brincar cos novos xogos de chan pintados, nas pasadas semanas, polas familias coa organización da ANPA, dentro do proxecto Patio en reformas.

Agardámosvos!!!

 

Programa Melibea: cuarta sesión

desde o Departamento de Educación e Cidadanía do Concello ofértase aos centros educativos da cidade que o desexen o programa de Educación Afectivo Sexual – Programa “Melibea”.

O próximo xoves 13 de xuño impartirase a CUARTA sesión para as familias sobre “Educación sexual das crianzas”.

As crianzas poderán participar de balde, do servizo de Ludoteca. Soamente tedes que reservar praza enviando un correo electrónico á dirección anpafontela@gmail.com, indicando nome, apelidos e idade das crianzas, xunto co nome da persoa de contacto.