Situación emerxencia coronavirus

Dende a ANPA Fontela vos propoñemos facer, durante o tempo que dure a situación xerada polo coronavirus COVID-19, pequenas entregas do noso boletín, nas que poderedes atopar recursos de utilidade para xestionar a corentena.

 

Aproveitamos para recordarvos que estamos a vosa enteira dispoñibilidade para resolver dúbidas, atender demandas e facilitar todo o apoio que necesitedes acerca do funcionamento do centro e das dinámicas da actividade escolar mentres dure o estado de alarma.

Nestes tempos de actividade escolar tan inusual, a vosa colaboración resulta, unha vez máis, imprescindible. Se vos presta, estaremos encantados de recibir ideas e contidos sobre iniciativas educativas, para incluír nas próximas edicións especiais do boletín. Anímate e envía un email a:     anpafontela@gmail.com

Ánimo familias!!

Obradoiro “A horta ecolóxica”

O venres pasado puxemos en marcha o programa A horta ecolóxica que durará ata o mes de maio de 2020.

O programa consta duns obradoiros medioambientais, de periodicidade mensual, programados desde a ANPA Fontela e que terán lugar dentro do horario lectivo.

Este ano participará neste programa o alumnado de Educación Infantil e 1º e 2º de Educación Primaria. Un día ao mes participarán nuns obradoiros medioambientais impartidos por Trillium.

Como ben sabedes, o CEIP das Fontiñas conta con dúas hortas escolares ubicadas nos patios dos centros de Educación Infantil e Primaria.

Estes obradoiros propostos desde a ANPA Fontela xira ao redor deste recurso educativo de aprendizaxe, coa idea de melloralo e dinamizalo mediante o desenvolvemento dunha serie de obradoiros específicos que axuden á rapazada a adquirir coñecementos que lles permitan comprender, dun xeito sinxelo, a natureza e os seus ciclos (procesos físicos, químicos, biolóxicos…) o estudo da agro-ecoloxía con prácticas baseadas no coñecemento científico. E con esta finalidade, desenvolveranse estas sesións prácticas nas hortas.