Aberto prazo de matrícula para extraescolares: ata 21 de setembro

Queremos informarvos de que un ano máis poñemos en marcha as Actividades Extraescolares e Ludoteca para o curso 2018-2019.

Podedes cumprimentar esta FOLLA DE INSCRICIÓN e entregar:

  •  por correo electrónico: anpafontela.extraescolares@gmail.com
  • nun sobre a nome da ANPA na conserxería do centro
  • nun sobre na caixa de correo instalada ao lado da porta do local da ANPA

A SOLICITUDE DE INSCRICIÓN NAS ACTIVIDADES EXTRAESCOLARES PODE PRESENTARSE ATA O 21 DE SETEMBRO. (PREGAMOS RAPIDEZ NA PRESENTACIÓN PARA PODER CONFIGURAR CANTO ANTES OS GRUPOS).

Advertisements

Inicio de curso: ludoteca e extraescolares

O pasado mes de xullo contámosvos a relación de actividades extraescolares e de ludoteca previstas para ofertar o vindeiro curso 2018/2019. Premendo aquí tedes máis información sobre o servizo (coste/horas/temática).

As actividades extraescolares comenzarán o día 1 de outubro de 2018 pero a ludoteca comenzaría en setembro se as familias o demandasen, en caso contrario, a ludoteca empezaría o mesmo día que as actividades extraescolares.
Polo que, solicitamos que todas aquelas familias que desexen dispoñer de ludoteca desde o primeiro día de colexio (día 12 de setembro), envíen un email a anpafontela@gmail.com indicando o número de crianzas que utilizarían o servizo e a previsión de días/nº horas.
Con esta información poderemos valorar se hai a demanda suficiente para ofrecer este servizo durante o mes de setembro.
Lembrade que a ludoteca é un servizo que se ofrecería todos os días de luns a venres en horario de 16:30 a 18:30h.

 

EXTRAESCOLARES para o CURSO 2018/2019

Ola familias!

Como vai o verán? Nós seguimos en acción 😉

Aquí tedes a relación das actividades extraescolares e de ludoteca previstas para ofertar para o vindeiro curso 2018/2019.

Os grupos finais das actividades extraescolares confirmaranse segundo a demanda de inscricións recibida en setembro. As actividades comezará o día 1 de outubro de 2018.

Agardamos que esta información poida servos útil para facer previsións conciliadoras.

folla de matrícula e inscrición enviarémola cando vaiamos achegándonos ao inicio do curso 2018-2019. Lembrade que comezan as aulas o 12 de setembro de 2018, e dependendo da demanda, previsiblemente a ludotecatamén inicia seu servizo o 12 de setembro.

Aproveitamos para informarvos que desde hai dous cursos xurdiu unha marabillosa actividade: o grupo MARIOLA TEATRO. Está composto por persoas adultas e miúdas, membros dos diferentes colectivos da comunidade educativa do CEIP das Fontiñas, que ensaia durante o curso co obxectivo de pasalo ben e de presentar na fin de curso unha pequena obra teatral, como veriades na Festa do verán en xuño de 2018.

Así mesmo, queríamos confirmarvos que, un ano máis, a ANPA Fontela cede a dispoñibilidade do pavillón áAgrupación Deportiva de Baloncesto Fontiñas (ADB Fontiñas), actividade que leva 13 anos practicándose no CEIP das Fontiñas, e que se imparte: martes, mércores e venres de 16.00h a 17.30h, aberto a toda a rapazada de Santiago.

Ah! E se coñecedes a novas familias que se vaian a integrar este curso no CEIP das Fontiñas, faládelle da ANPA FONTELA e das diferentes formas de contactarnos!

Festa do Verán! Anímate a axudar!

Xa temos a programación definitiva para a Festa do Verán!!! Será este xoves 14 xuño.

16:30h / 17:00h: Recepción de tortillas, biscoitos ou o que vos preste para partillar e merendar toda a tarde.
16:45h / 17:45h: Exhibición de actividades extraescolares: hockey, inglés, robótica, judo, patinaxe, danza e pandeireta
17:45h / 18:45h: Concerto de PAKOLAS
17:00h / 19:00h: Obradoiro de camisolas (traede unha camisola branca ou de cor clara e levaredes unha chulada!!!)
19:00h Estrea mundial da obra “Un gato na árbore” de MARIOLA TEATRO

Ademáis de todo isto a partir das 18:00h servirase a merenda na que tamén compartiremos as vosas achegas.

Pero para que esta festa sexa rachada necesitamos a vosa colaboración.

Necesitamos voluntarios e voluntarias para:

Dúas persoas para servir a merenda e colocar as mesas a partir das 18:00h.
Prestarnos, ao menos, un par de capachos para poñer a enfriar a bebida.
Unha persoa que se encargue de traer o xeo (necesitamos o ticket para devolver os cartos).
Dúas persoas que poidan axudar no obradoiro de camisolas para coordinar á cativada.

E por último queremos comentarvos que a ANPA Fontela aportará, como no curso pasado, un pequeno xesto ecolóxico nesta festa, propoñéndovos empregar os ecovasos reutilizables que teremos disponibles. (Prezo: 1 euro, reembolsable se devolves o ecovaso).
Pero se o tedes do ano pasado, traédeo!

Animádevos e vinde a participar desta tarde de convivio!!!

 

Consulta ás familias sobre reválidas

 Plataforma Galega en Defensa do Ensino Público envíanos un escrito que as familias podemos utilizar para manifestar o noso rexeitamento ás reválidas. Este escrito pódese presentar a través do rexistro do propio colexio, para que á Consellaría de Educación, lle chegue a postura contraria a estas probas.

Por outro lado, desde a ANPA gustaríanos saber se hai unha necesidade real de conciliación por parte das familias para eses días. Se é así, gustaríanos que nos enviárades un email comentándonos as vosas necesidades, propostas ou comentarios ao enderezo electrónico anpafontela@gmail.com.
Lembrade que as reválidas son este mércores e xoves polo que agradeceríamos que enviárades os vosos comentarios nas próximas horas.